St. Francis Xavier

1. O Deus, ego amo te,
   Nec amo te, ut salves me,
   Aut, quia non amantes te
   Æterno punis igne.
2. Tu, tu, mi Jesu, totum me
   Amplexus es in cruce;
   Tuliste clavos, lanceam,
   Multamque ignominiam,
3. Innumeros dolores,
   Sudores, et angores,
   Et mortem, et hæc propter me,
   Ac pro me peccatore.
4. Cur igitur non amem te,
   O Jesu amantissime,
   Non, ut in cœlo salves me,
   Aut ne æternum damnes me,
5. Nec præmii ullius spe;
   Sed sicut tu amasti me?
   Sic amo et amabo te,
   Solum quia Rex meus es,
   Et solum, quia Deus es.

*Click on the lyrics to find a translation.